Comelec: Magparehistro na samtang wala pa ang deadline
CEBU, Philippines – Ang Commission on Election (Comelec) padayon nga nanawagan sa mga wala pa nakaparehistro nga mobisita na sa ilang buhatan aron magparehistro.
Ang Comelec nagsugod sa pagpahigayon sa voter’s registration niadtong Enero 20, 2020 ug matapos kini sa Septiyembre 30, 2021 o usa ka tuig ug walo ka buwan ang gihatag nga panahon sa Comelec aron ang mga botante makaparehistro.
Matud ni election assistant Omar Mamalinta tanang klase sa application ang gidawat sama sa new registrants, application for transfer, reactivation pasabot niini kadtong napakyas sa pagbotar og duha ka sunod-sunod nga eleksiyon pag-usab sa ngalan o correction of entries ug kadtong magpa-reinstate nga magkinahanglan og court order.
Gikan sa Enero 20, 2020 hangtud sa Pebrero 25, 2020 niabot na sa 3,193 ang registered applicants sa Cebu City north district samtang 3,449 sa south district o adunay 6,642 ang kinatibuk-ang nagparehistro.
Matag adlaw moabot ngadto sa 100 ka tawo ang moadto sa buhatan sa Comelec aron magparehistro apan nabantayan nila nga diyotay lang ang magparehistro sa adlaw nga Sabado ug mga holiday. Nunot niini, nanawagan si Mamalinta sa mga botante nga dili huwaton ang kataposang adlaw sa pagpangrehistro aron malikayan ang mga kakulian sama sa dili ma-akumodar tungod kay deadline na.
“When the Comelec says deadline kutob ra gyud ta diha, so as early as now we are encouraging you to register kay open man ta even holidays and Saturdays”, dugang ni Mamalinta. /BDB (BANAT NEWS)
- Latest
