“No work, No pay” rule sa pagselebrar sa EDSA
CEBU, Philippines — Way madawat nga sweldo kadtong mga trabahanteng dili motambong sa trabaho karong adlawa sumala pa sa Department of Labor and Employment (DOLE) bisan pa man og anibersaryo karon sa EDSA People Power Revolution. Sumala pa sa DOLE, sa report sa Philstar.com, ang “no work, no pay” mo-apply tungod kay gideklarar man nga special non-working holiday karong adlawa nga mao ang ika-34 nga kasumaran sa maong rebolusyon. “Unless there is a favorable company policy, practice, or collective bargaining agreement (CBA) granting payment on a special day, the ‘no work, no pay’ principle shall apply,” matud pa. Apan, kadtong motrabaho gyud karong adlawa makadawat og dugang 30 porsiyento sa ilang walo ka oras nga trabaho, samtang dugang 30 porsiyento sa matag oras sa ilang overtime.
Kadtong mga empleyado nga motrabaho karong adlawa bisan og ilang day-off, hatagan og dugang 50 porsiyento sa ilang walo ka oras nga trabaho ug dugang 30 porsiyento kada oras sa ilang overtime.
Ang DOLE nipadala nang daan og advisory aron magiyahan ang mga employers ug mga mamumuo bahin sa tukmang ipatumang patakaran karong adlawa.
“Employers in the private sector are reminded to observe the following rules on the payment of wages for the said special non-working holiday,” pasidaan pa sa DOLE. IBM (BANATNEWS)
- Latest
