20 milyong ka bata tinguhang bakunahan og anti-polio
CEBU, Philippines — Gitinguha sa Department of Health (DOH) 7 nga mabakunahan og anti-polio vaccine ang 20 mil ka mga batang nag-edad og 4-anyos aron paglikay nga matakboyan ang kabataan sa siyudad ilabi na nga nakompirmar nga dunay polio virus ang Butuanon River.
Base sa talaan gikan sa National Immunization Program (NIP) sa DOH-7 maoy gipakita nga sa tuig 2016 ngadto sa 2019 target, 40,166 ka mga bata nga anaa na sa 4 anyos paubos ang ilang nabakunahan.
Si Ruff Valdevieso, NIP – DOH7 coordinator, sa iyang pamahayag miingon nga ang dakbayan mag-agad sa gidaghanon sa bakunang gihatag sa DOH.
“This doesn’t necessarily mean these are the exact numbers of children we’re going to vaccinate in Mandaue City. There are a lot of factors to consider,” ni Valdevieso sa iyang pamahayag.
Si Dr. Rose Marie Terado nga maoy City Health Officer sa dakbayan miingon nga ang DOH 7 mihatag lamang ngadto kanila og pito ka adlaw nga house-to-house polio virus vaccination program.
Sa miaging semana, ang DOH sa kaulohan mikompirmar nga positibo ang Butuanon River sa polio virus hinungdan nga gimando ni Mayor Jonas Cortes sa mga taga Mandaue nga likayan ang maong sapa ug ingon man ang Mahiga ug Tipolo creeks. IBM (BANATNEWS)
- Latest
