P1 milyones balor sa mga marijuana gipanglarot

CEBU, Philippines – Mokabat sa kapin P1 milyon nga balor sa marijuana ang nalarot sa mga sakop sa Cebu City Police Office City Mobile Force Company sa Sitio Bayabas, Adlaon, Dakbayan sa Sugbo.

Ang operasyon giubanan sa mga sakop sa Philippine Drug Enforcement Agency 7.

Si CMFC Commander, Police Lieutenant Colonel Randy Korret, nihulagway nga pangpang na kaayo ang dapit ug nahimutang sa tago sa bukirang bahin sa Barangay Adlaon ang plantasyon kun diin kinahanglan nga lakawon pa og dul-an usa ka oras gikan sa dalan.

Nalarot ang 2650 ka fully grown marijuana nga mobalor sa P1,060,000. /GMR (BANAT NEWS)