Polis nga napatay gidala na sa Bohol
CEBU, Philippines — Polis nga napatay atol sa buybust operation sa Cebu City gidala na ngadto sa Bohol alang sa paghatud kaniya sa kataposang pahulayang dayon sa sunod semana.
Ang patay’ng lawas ni Police Senior Master Sergeant Maximo Macua Jr. dad-on sa Bohol Provincial Police Office (BPPO) sa Camp Francisco Dagohoy, Tagbilaran City.
Si BPPO Director Police Colonel Jonathan Cabal miingon nga pabantayan og polis ang haya niini ug hatagan kini og full-military honors atol sa paglubong.
Gipaabot sab nga si PNP Chief Archie Gamboa mobisita sa haya ni Macua aron pagpaabot sa iyang pahasubo ngadto sa pamilya niini.
Si Macua nadestino sa Philippine Drug Enforcement Group in Central Visayas (PDEG-7) sud na sa taas nga panahon. Napatay si Macua human sa gilusad nga operasyon didto sa Barangay Mambaling batok sa usa ka grupo sa durugista. /IBM (BANATNEWS)
- Latest