Wala mag-helmet giingong nasuko nga gisita sa polis
CEBU, Philippines — Natingkagol sa detention cell sa Presinto 1 sa Mandaue City Police Office ang usa ka montorista kinsa giingong nasuko dihang gisita kini tungod kay wala magsul-ob og helmet samtang nagmaneho sa iyang motorsiklo ug nakainom usab kini og ilimnong makahubog.
Si Police Staff Sergeant Anthony Mendoza niila sa motorist nga si Glen Gabriel Gaba, 28- anyos, ulitawo, nagpuyo sa Barangay Guizo, Dakbayan sa Mandaue.
Matud ni Mendoza nga niagi diha sa dalan dapit sa Cebu International Convention Center (CICC) si Gaba nga wala magsul-ob og helmet hinungdan nga gisita nila kini apan giingong nasuko kini.
Ang mga polis nagduda nga nakainom og ilimnong makahubog si Gaba hinungdan nga gidala nila kini ngadto sa Mandaue City Hospital ug gipaubos sa liquor test. Si Gaba positibo sa maong liquor test diin kalapasan usab kini sa balaod sa trapiko hinungdan nga gisikop kini sa mga polis. /BDB (BANATNEWS)
- Latest