Upat ka durugista sikop; Mga anak sa durugista sagopon
CEBU, Philippines — Duha ka suspetsdong pusher ug tulo ko giingong ilang customer ang nasikop sa gipahigayog buy bus operation sa kapolisan niadtong Biyernes sa gabii diha sa Barangay Paknaan, Dakbayan sa Mandaue
Si Police Major Ramil Morpos, hepe sa Presinto 1 sa Mandaue City Police Office (MCPO) niila sa mga giingong pusher nga sila si Rolando Bacorada Cañete Jr., 25, Ryan Alimpulos Pagubo, 39, parehong residente sa maong barangay kinsa nasakmitan og 19 ka paketeng shabu.
Ang tulo ka customer kinsa naaktohan nga nagsuyop og shabu mao sila si Bryan Ibrado Bacalso, hingkod ang panuigon, Marlon Ibrado Bacalso, 21, ug John Llyod Nulla Cañete, 18, pulos usab residente sa nahisgutang barangay diin nakuhaan usab og gagmay nga pakete sa shabu.
Sa laing bahin, nasikop sa kapolisan sa Guadalupe Police Station si Joname Tapion, hingkod ang panuigon, residente sa Barangay Guadalupe, manindahay og isda nasakmitan kini og shabu nga nikantidad tanan ngadto sa P500 mil.
Samtang sa Dakbayan sa Talisay, ang mga anak sa durugista kinsa wala maatiman sa mga ginikanan tungod kay nadakpan o napatay atol sa operasyon sa kapolisan ang atimanon sa Non-Government Organization (NGO).
Si Mayor Gerald Anthony “Samsam” Gullas Jr. nipirma kini og kasabotan tali sa Our Lady of Divine Providence Home nga gipresentahan ni Sister Delia Abada. Ang City Social Welfare and Development mosusi una kini sa sitwasyon sa bata nga i-turnover ngadto sa NGO.
Ang siyudad mohatag og ayuda sa NGO aron makasustiner kini sa paghatag sa panginahanglanon sa mga kabataan nga nabiyaan sa ilang mga ginikanan. Rowena D. Capistrano, Gabriel C. Bonjoc/BDB (BANATNEWS)
- Latest