Namuyo sa CICC naningil sa relocation
CEBU, Philippines – Nag-rally ang 20 kapin ka nangangkon nga kauban sa mga pamilya nga biktima sa sunog sa Barangay Tipolo, Dakbayan sa Mandaue nga naningil na sa gisaad nga relocation human gidemolis ang temporaryo nilang gipuy-an sulod sa compound sa Cebu International Convention Center.
Ilang gipangayo ang “balay ug yuta dili demolisyon” karon nga wala na gyud silay mapuy-an.
Sa ilang placards nanawagan sab sila sa pagbasura sa “Build Build Build Program” ni Presidente Rodrigo Duterte tungod kay alang kanila dili kini sulbad sa kakabus ilabi ang walay mga panimalay karong panahona.
Si Tonypet Juanico, pangulo sa Housing and Urban Development Office sa dakbayan, nitataw nga bukas ang iyang buhatan alang sa pag-atiman sa mga hangyo pinaagi sa pagsumiter sa gikinahanglan nga mga dokumento alang sa tukmang proseso.
Matud ni Juanico nga dunay mga nasunogan nga nag-abang o nangipon lang nga nakadawat na sa cash assistance apan mahimo na lang nga third priority sanglit unahon man sa pagtagad kadtong mga tinuod gyud nga nanag-iya sa nasunog nga panimalay. /GMR (BANAT NEWS)
- Latest