Mga sakop sa PCR gi-drug test
CEBU, Philippines – Gipaubos sa kinalit nga drug test ang kapin 40 ka personnel sa Regional Community Affairs and Development Division ug mga hepe sa Police Community Relations sa kapolisan sa Central Visayas. Matud ni RCADD chief, Police Lieutenant Colonel Jeffrey Caballes, nga gihimo kini subay sa pagpatuman sa internal cleansing sa kapolisan.
Dugang ni Caballes nga ang tumong niini mao usab ang paglantaw sa kaepektibo sa kapolisan nga makig-alayon ngadto sa komudidad sa pagpahibawo sa dautang epekto sa ilegal nga drugas. Usa kini ka nationwide activity sa kapolisan ilabi na ang mga frontliners sa nga mao ang PCR nga maoy mopresentar sa mga programa sa kapolisan.
Lakip mga nisalmot sa kinalit nga drug test ang 40 ka personnel sa RCADD ug mga hepe sa PCR sa Dakbayan sa Mandaue, Cebu, Lapu-Lapu ug Probinsiya sa Siquior, Bohol ug Sugbo. /GMR (BANAT NEWS)
- Latest