P5 milyones sa Kapitolyo alang sa Taal aprobado na
CEBU, Philippines — Aprobado na sa hunta probinsiyal sa Sugbo ang P5 milyones nga tabang ngadto sa mga naapektohan sa pag-ulbo sa Taal Volcano.
Si Bokal John Ismael Borgonia ang nangamahan sa resolusyon nga naghatag og pagtugot kang Gob. Gwendolyn Garcia nga mopagawas og P5 milyones nga ihatag ngadto sa Probinsya sa Batangas. Wala pa matino kung kanus-a mahatud ang maong tabang apan una na nga nagkanayon si Garcia nga posibleng si Bise Gob. Hilario Davide III o usa sa mga bokal ang mohatud niini. – Le Phyllis F. Antojado/GMR
CVIRAA Meet di madayon tungod sa nCoV
Suspensuhon sa Department of Education 7 ang Central Visayas Regional Athletic Association (CVIRAA) Sports Meet karong buwana tungod sa hulga sa 2019 Novel Coronavirus - Acute Respiratory Disease (NCoV-ARD).
Kini ang gibutyag ni DepEd-7 Regional Director Salustiano Jimenez.
Ang CVRIAA gikatakda unta nga ipahigayon karong Pebrero 23-29 sa Dumaguete City ug ioktaba kini ngadto sa Marso.
Nunot niini gidasig sa DepEd ang mga atletang tinun-an nga magpadayon sa ilang praktis.
Ang Dumaguete City usa kini sa lugar nga giadtoan sa manag-uyab nga Chinese nga nagpositibo sa NCoV-ARD.
“We dont want to risk the well-being of our students. Thus our regional director also agrees to suspend the activity,” matud ni Amy Villarmia, ang tigpamaba sa DepEd-7 sa report sa dyLA News. /GMR (BANATNEWS)
- Latest