Produkto sa baboy sa Davao gi-ban sa Cebu
CEBU, Philippines — Niluwat og bag-ong executive order si Gobernador Gwendolyn Garcia sa pag-apil na sa Davao Region sa mga lugar nga kansang mga baboy ug produkto sa baboy dili na makasulod sa Lalawigan sa Sugbo.
Kini human nga niabot na sa Davao Occidental ang African Swine Fever (ASF) diin anaa sa usa ka libo ka baboy ang apektado ug nangamatay.
"..In consonance with Executive Order No. 13, 13-A, 14, 15, 16, 23, and 27 it is hereby declared unlawful for anyone to bring into the Province of Cebu any and all kinds of pork, pork-related food products, by products, and boar semen from Region XI (Davao Region) and all other meat, chicken, fish and any other food products that have been commingled with aforementioned," pagbasa sa Executive Order No. 4 series of 2020 nga pinetsahan og Pebrero 3, 2020.
Nagpasabot nga tanang baboy o produkto sa baboy gikan sa Davao del Sur, Davao del Norte, Davao de Oro, Davao Occidental ug Davao Oriental ang dili kasulod sa Probinsiya sa Sugbo. Ang Bureau of Animal Industry nikompirmar nga ang ASF niabot na sa Davao Region human nga 1,000 na ka baboy ang namatay tungod sa maong sakit. GMR (BANATNEWS)
- Latest
