Kapasidad sa whale shark watching susihon ni Garcia
CEBU, Philippines – Si Gobernador Gwendolyn Garcia mosusi sa “carrying capacity” sa whale shark watching sa Barangay Tan-awan, Lungsod sa Oslob.
Kini human nga si Mayor Jose Tumulak Jr. niduol ngadto kang Garcia ug nagpatabang sa limitasyon sa mga turista nga makapahigayon og whale shark watching.
Sa carrying capacity nga pamaagi, gikan sa 1,500 ngadto sa 1,600 nga gitugotan nga makaadto nga turista sa lugar gipaubsan kini ngadto sa 800.
Ang 400 niini gikan sa dad-on sa Cebu Association of Tour Operators (CATO) samtang ang laing 400 bahinon sa Lungsod sa Oslob, boat operators ug ingon man sa resort owners sa lungsod.
“You can imagine, how that would limit the business of our resorts including of course income of the fishermen coop and income of the LGU because CATO will take away half of that”, matud ni Garcia.
Giawhag usab ni Garcia ang mayor sa lungsod nga susihon ang ordinansa sa lungsod alang sa whale shark activity lakip na niini ang bayranan sa mga langyaw ug lokal nga turista.
Si Garcia nimando kini ngadto sa Provincial Environment and Natural Resources Office (PENRO) nga mohimo og inventory sa tanan resorts sa Oslob ug i-report kini sa sunod nga meeting tulo ka semana gikan karon. /BDB (BANAT NEWS)
- Latest
