Frasco: Report sa BFP Camotes di katuohan
CEBU, Philippines – Adunay nakita mga buslot si Kongresista Vincent “Duke” Frasco sa report sa nga bombero kalabot sa pagkasunog sa iyang gidonar nga trak sa isla sa Camotes niadtong Enero 17, 2019.
Sa press release nga gipagawas sa kampo ni Frasco, kini miingon nga wala siya hatagi sa kopya sa report Office of the Fire Marshall bisan pa man nga siya ang tag-iya sa truck.
Sa report nga nasayran ni Frasco sa media, si FO3 Ronnie Pasaol ug SFO1 Wilfredo Literatus sa San Francisco Fire Station nagkanayon nga ang sunog aksidente ra ug posibleng sa “electrical ignition” kini nagsugod tungod sa loose connection sa wiring sa alternator.
Apan base sa eksplinasyon nga nadawat ni Frasco gikan mismo sa mekaniko diin napalit ang maong trak wala maunsa ang alternator ug wala sab mag-andar ang makina dihang nahitabo kini mao nga di katuohan ang report.
“If it was electrical, the fire should have started in front of the vehicle and burned through the inside and the dashboard. However, there is no damage under the hood, and there is practically no damage on the dashboard and the interior of the vehicle,” matud ni Frasco.
“Also, if it was the alternator as claimed by the report, there should be major damage in the engine since the alternator is located near the engine. But as it is, there was no damage to the engine,” dugang niini.
Si Frasco niawhag kini sa mga imbestigador nga ayuhon ang imbestigasyon ug report aron dili madudahan ilabina na nga si Literatus kabanay sa Bakud leaders sa lungsod.
Ang Bakud maoy kontra partido sa One Cebu party nga partido ni Frasco. /IBM (BANAT NEWS)
- Latest
