Dengue minus pagsugod sa 2020
CEBU, Philippines — Gikan sa Enero 1 hangtud 18 karong tuiga moabot sa 1,268 ka kaso sa dengue ang natala sa Central Visayas diin upat ang patay.
Kini sumala pa sa Regional Epidemiology and Surveillance Unit sa Department of Health 7.
Nigawas nga mas ubos og 49.1 percent kini itandi sa samang period sa niaging tuig diin dunay 2,487 ka kaso ug 17 ang patay.
Sagad sa mga naapektuhan sa maong makamatay nga sakit nag-edad og 17-anyos ngadto na sa 15-anyos.
Sa listahan sa RESU-7, nag-unang 10 ka lugar nga dunay mga kaso sa dengue gilangkuban sa Cebu City (187); Lapu-Lapu City (151); Mandaue City (77); Talibon (60); Argao (30); Carcar City (29); Tagbilaran City (25); Tubigon (24); Calape (24)ug Minglanilla (24) samtang sa Tubigon dunay usa patay.
Samtang ang laing mga lugar nga dunay mga kaso sa dengue mao ang Dumaguete City ug Talisay City tag 22 ka kaso; Clarin (21); Danao City ug Liloan tag 19 ka kaso; Dalaguete (18); Jetafe (17); Consolacion ug Toledo City tag 16 ka kaso ug Bogo City (15). GMR (BANATNEWS)
- Latest
