80 anyos natagak sa pangpang
CEBU, Philippines — Usa ka 80- anyos nga babaye ang napalgang patay diha sa ubos pangpang sa Barangay Maghaway, Dakbayan sa Talisay niadtong Domingo sa hapon.
Ang namatay nailhan nga si Sarah Capul, Area 6, Urban Poor, Barangay Maghaway sa nahisgutang Syudad.
Si Rene Casimsiman, silingan sa namatay nibutyag nga pipila ka adlaw ang milabay nakapanimaho sila og bahong patay.
Matud pa niya nga iyang gipangita ang baho hinungdan nga iyang nakita ang tiguwang nga ang lawas padung na nga madugta. Giila sab kini sa iyang anak ug gihulagway nga aduna na kini Alzheimer’s disease hinungdan nga gibawalan nila kini nga mogawas sa ilaha.
Apan niadtong petsa 18 nakagawas ang ilang inahan hangtud nga wa na gyud igkita. Sa inisyal nga imbestigasyon sa kapulisan nasuta nga aksidenteng natagak ang tiguwang hangtud nga nakabsan sa iyang kinabuhi. IBM (BANATNEWS)
- Latest
