CCPO paluwaton og advisory atol sa Valentine’s Day

CEBU, Philippines — Niawhag ang hunta probinsiyal ngadto sa Cebu Provincial Police Office (CPPO) nga mo isyu og crime prevention advisory alang sa tanang party o kalihukan sa umaabot nga Valentine’s Day.

Sa resolusyon nga gipangamahan ni Bokal Jovito “Jonkie” Ouano gisaysay nga posible nga adunay mopahimulos atol sa mga kalihukan karong bulan sa Pebrero subay sa pagsaulog sa Valentine’s Day sa Pebrero 14, 2020.

“As more Cebuanos would go out and leave their houses unattended. There must be a warning or an advise like, not to post any plans and happenings on social media and snapping a selfie and posting it online that lead to ‘akyat-bahay’ robbers knowing that one’s house may be empty”, tipik sa resolusyon ni Ouano. Matud ni Ouano nga angay usab mo isyu og advisory alang sa mga event organizer, partygoers ug churchgoers batok sa hulga sa terorismo ug posibleng presensiya sa mga mamaligya og ilegal nga drugas sama sa hyrdoxybutyrate (GHB) nga maoy hin  ungdan sa “piqued sex drives, hallucinations “ ug pagkawala sa ka buot.

Dugang ni Ouano nga ang kapolisan maoy anaa sa sakto nga posisyon nga mo isyu og warning ug advisory aron malikayan ang mga krimen.  BDB (BANATNEWS)