Langyaw nga pastor, broker gidakop
CEBU, Philippines — Nagpailang pastor ug namaligya og mga real estate properties nga usa ka Australian national ang gidakop sa Cebu Mobile Force Company sa Cebu City Police Office sa dalan Limkakeng, Happy Valley, Banawa, Guadalupe, Dakbayan sa Sugbo.
Giila ang dinakpan nga si Steve Antonio, 63, lumad nga taga Australia ug nagpuyo sa Lower Sampaguita, Banilad, Dakbayan sa Mandaue diin siya kasamtangan nga nagtago-tago. Matud ni Police Lieutenant Colonel Randy Korret, force commander sa CMFC, nga aduna silay report nga nadawat kalabot sa kasamtangang nahimutangan ni Antonio sa Banawa hinungdan nga gisilbihan sa warrant of arrest.
Nasayran nga si Antonio nag-umol og usa ka Christian Church niadtong 2017 ug nang-recruit og mga miyembro kinsa tanyagan og real estate sama sa balay ug mga condo units. Tungod niini mokabat sa P5 milyones na ang nakita ni Antonio kinsa giila nga mastermind sa pagpangilad sa pamaligya og mga properties sa kauban niini nga nadakpan sa CMFC niadtong Nobiyembre 2019. Anaa karon gitanggong sa Guadalupe Police Station si Antonio. GMR (BANATNEWS)
- Latest