ATMs ibutang sa mga terminals ug hospital

CEBU, Philippines — Mamahimo na nga maka access ang mga tawo og ATM machines ngadto sa Cebu South Bus Terminal , provincial hospitals ug bisan katong anaa sa Camotes island.

Kini human nga gipirmahan ni Gobernador Gwendolyn Garcia ang kasabotan tali sa Land Bank of the Philippines aron magbutang niini maong mga makina diin maka-withdraw og kwarta ang mga tawo.

Sa report sa Sugbo News, ang news portal sa Probinsya sa Sugbo makapasayon kini sa mga kawani sa lalawigan kansang sweldo sa maong bangko gideposito.

“Nalipay mi og dako kaayo og nagpasamalat kami kang Gov. Gwen Garcia sa paghatag sa amo og higayon nga makabalik mi sa maong pagserbisyo sa among payroll facilities sa tanan empleyado sa probinsya sa Cebu including district hospitals,” matud ni Ma. Barbara Fernandez, ang LBP Assistant Vice President ug Cebu Capitol-branch head.

Sa maogn kasabotan, magbutang og offsite automated teller machines (ATMs) ang LBP ngadto sa upat ka provincial hospitals sa Danao, Carcar, Bogo ug Balamban.  Laing ATM usab ang idugang sa usa ka ATM sa Kapitolyo. Magbutang usab og ATM sa CSBT ug sa Camotes islands.

Ubos sa pag-alayon sa LBP ug kapitolyo, adunay laing kasabotan ang gipirmahan alang sa Enhanced Human Resource Information System (HRIS) facility aron ipaagi sa facial recognition ang pag access sa payroll, time ug attendance, leaves ug uban pa. /IBM (BANATNEWS)