‘Boy Laway’ paatubangon kang mayor Labella
CEBU, Philippines — Makig-estorya si Cebu City Mayor Edgardo Labella sa nag-viral nga si «Boy Laway» aron iyang mahibaw-an kung angay ba siya nga ideklarar nga usa ka “persona non grata”.
Giingon ni Labella nga ang desisyon nga did-an ang maong lalaki sa pagsulod sa siyudad magdepende kung unsaon niya pagpangayo og pasaylo ug pakigsulti sa mayor. Human sa Sinulog usa ka video sa lalaki nga nagluwa og laway sa iyang palad nga adunay face paint ug gipahid sa mga nawong sa mga tawo nga niagi sa may Mango Avenue ug nag-viral sa social media.
Ang lalaki giila nga si Jayson John Tapales, taga sa Dakbayan sa Danao.
Si Tapales nipatim-aw sa buhatan ni Konsehal Joel Garganera niadtong Miyerkules ug nangayo og pasaylo sa publiko.
«When Councilor Garganera will be back, I›m going to ask him to bring that boy back...I will reprimand him and make a very stern warning to never do that again,» matud ni Labella. –/GMR (BANAT NEWS)
- Latest
