Siomai, siopao gisakmit
CEBU, Philippines — Laing produkto sa baboy ang nasakmit sa awtoridad sa Pier 4, Dakbayan sa Sugbo niadtong Enero 22.
Ang Anti-African Swine Fever Task Force sa Probinsiya sa Sugbo nakasakmit og tulo ka styro box sa pork siomai ug pork siopao aron unta ibaligya sa Dakbayan sa Lapu-Lapu. Matud ni Dr. Mary Rose Vincoy, ang provincial veterinarian ug co-chairperson sa task force, nga ang maong mga produkto gikan sa Palo, Leyte apan nakit-an ra usab dayon.
Ang maong mga produkto gikarga sa barko niadtong Enero 22. Matud ni Vincoy nga kalapasan kini sa executive order ni Gobernador Gwendolyn Garcia nga nag-ban sa mga pork products gikan sa Rehiyon 8.
Matud niya nga ang mga nasakmit nga produkto iapil nila og dispatsar dungan sa ilang nasakmit nga pork cubes kagahapon sa Lungsod sa Consolacion. –/GMR(BANAT NEWS)
- Latest
