Transgender nga nagbinastos gisaway

CEBU, Philippines — Kaparian sa Basilica Minore Del Sto. Niño nasubo viral photo sa usa ka transgender nga nagpakita sa iyang dughan samtang naghupot sa imahe sa Balaang Bata atol sa fiesta sa Pasil niadtong adlaw nga Sabado.

Matud pa ni Fr. Ric Anthony Reyes, tigpamaba sa basilica, nasubo sila sa nahitabong insidente ug nanghinaut sila nga dili na kini mausab.

Pahimangno sa kaparian ngadto sa tanang mga debotos nga ang tinuod nga pagdebosyon naka sentro sa tim-os nga pag-ampo ug dili paghimog kataw-anan sa imahen sa Niño o sa lawas sa tawo nga maoy panagway sa Dios.

Sumala pa ni Reyes, maayo unta palandungan sa maong transgender ang iyang gibuhat ug basolan iyang nabuhat kay nakapaguol kini sa mga debotos ug sa mga katawhan kay nabastos dili lang pagtuo kundi apil mismo ang kultura ug ang Sinulog.

“Well, I think they were overwhelmed in dancing their replicas of the Sto.Niño and their devotion. I think that as devotees, we need to be mindful with our demeanor and clothing when it comes to sanctity of religious objects and places,” si Magdalena Robinson, OIC-Anti Discrimination Commission.

Mikatap sa social media ang maong hulagway kuyog sa iyang mga higala nga nanayaw samtang nipakita kini sa iyang suso nga naghupot sa imahe. –/IBM (BANAT NEWS)