Nabangga sa trak, 2 nag-motor patay
CEBU, Philippines – Patay ang duha ka tawo sa disgrasya sa may eskina sa dalan M.C. Briones ug A. S Fortuna sa Barangay Guizo, Dakbayan sa Mandaue alas 8 pasado sa gabii niadtong Martes.
Ang mga nakalas mao sila si Gerry Boy Chavez, 47, taga Alambijud, Argao ug driver sa Honda XRM kolor pula nga may plate number 5097 ug sakay niini nga si Jessa Biola, 26, dalaga, taga Laray, Talisay City.
Base sa pasiunang imbestigasyon ni Police Master Sergeant Rolando Gelido, ang nalambigit nga mga sakyanan mao ang Fuso truck prime mover nga may plate number YKU 812 nga gimaneho ni Edgar Oncenes, 50, taga Masaba, Danao City.
Samtang kini padulong Maguikay flyover, giingong nisalidsid ang motorsiklo ni Chavez sa linya sa truck dayun liko niini sa padulong sa A.S Fortuna St. hinungdan sa panagbangga.
Tungod sa kakusog sa impact, maayong pagkabunal sa nagsakay sa motorsiklo ug sakay niini sa dalan lakip usab ang ilang gisakyan ang nakaangkon og kadaut.
Dali pa unta gidala sa pribado nga tambalanan ang mga biktima apan gideklarar kini nga patay na human sa pipila ka gutlo.
Si Oncenes kasamtangan nga gitanggong sa kapolisan samtang gipaabot ang pagsang-at og tukmang kaso. /GMR (BANAT NEWS)
- Latest
