Night market karon nalang bulana
CEBU, Philippines — Bisan walay gikataho nga paglapas nga nabuhat ang mga manindahay sa night market sa dalan Colon, Dakbayan sa Sugbo, hunungon na kini sa tapos niining buwana.
Kini sumala pa ni City Market Administrator Jonil Matuguina base sa iyang rekomendasyon ngadto ni Mayor Edgardo Labella.
“My recommendation will still stand. It’s up to the mayor to decide,” matud ni Matuguina.
Sumala pa niya nga atol sa Sinulog walay nagpabadlong gawas sa pipila gikan sa laing lugar. Ang mga manindahay sa night market nalakip sa 1,600 nga narehistro nga makapamaligya alang sa Sinulog niadtong Domingo.
Ang rekomendasyon gibase sa mga reklamo ug mga paglapas sa mga lagda nga nadawat.
Una na nga gipahibawo ni Labella nga ang night market gipaubos sa probationary period hangtud karong buwana alang sa Sinulog. /GMR (BANATNEWS)
- Latest
