Duterte nakasaksi sa presentasyon sa gobernador uban sa siloy festival

CEBU, Philippines — Makaduha ka higayon nga misayaw si Gobernador Gwendolyn Garcia kagahapon atol sa Sinulog presentation diha sa Cebu City Sports Complex, ang para sa presentasyon ug ang ikaduha dihang miabot na si Presidente Rodrigo Duterte.

Kauban ni Garcia sa pagsayaw ang Siloy Festival contingent sa lungsod sa Alcoy. Kuyog sa gobernador nga nisayaw ang mga department heads ug ingon man board members sa Probinsyas sa Sugbo.

Naandan na kaniadto nga mosayaw ang gobernador sa Sinulog ug naputol lang unom ka tuig na ang nakalabay sa dihang nag-kongresista kini ug karon nga nabalik siya sa pwesto nibalik kini sa pagsayaw.

Ang ilang sayaw nipakita sa lapad nga pagkaupaw sa kabukiran, ang mga dancers nipakita sa mga illegal nga pagpamutol sa mga kahoy ug niresulta sa pagkaguba sa kalasangan.

Dihadiha nigawas si Garcia isip festival queen, nagdala sa usa ka gamay nga semilya sa kahoy nga nagsimbolo sa kinaiyahan ug pagpreserbar niini.

Ang backdrop nga kolor tabunon ug lunhaw nakapahayag og maayo sa gisuot sa gobernador nga blue overcoat. Miatras ug nawala sa entablado si Garcia ug nibalik suot ang iyang gown nga binuwakan nga dunay mga balhibong itom nga representasyon sa itom nga langgam nga Siloy nga sa Alcoy lamang makita.

Sa iyang palibot ang ubang mga dancers nanayaw sa kalipay tungod sa subling paglabong sa kalasangan ug nabuhi pagusab ang mga hayopan. Agi og pagpasalamat, migawas si 6th District Board Member Glenn Soco, as a raja, offered Garcia the image of Sr. Sto. Niño.

Ang award-winning choreographer nga si Victor Hao-Cuenco miingon nga ang ilang presentasyon pagpahinumdom sa tanan sa kamahinungdanon sa pagpanalipod sa kinaiyahan.

“You have to teach (people) to plant trees, and let them grow for the habitat of the Siloy,” matud pang Cuenco.

Makaduha ka higayon nga misayaw ang Alcoy kauban ang gobernador. Tungod kay sa pagabot ni Pres. Duterte alas-6:30 sa gabii subli silang misayaw. Pagkahuman niini suot gihapon iyang gown, gihimamat niya si Duterte diha nahimutangan niini.

Si Garcia miingon nga angay mahibaw-an sa katawhan nga ang Sinulog karong tuiga nakapahiusa sa Cebu Provincial Government of Cebu ug sa Cebu City Government.

Ang gipasabot ni Garcia mao ang suporta sa Cebu City’ paghatag og seguridad ug pagpangita og venue para sa probinsya sa ilang Pasigarbo sa Sugbo ug ang lalawigan mihatag og P8M financial aid para sa Sinulog.

«Ang Sinulog kanunay mn gyud nang gisaulog sa tanang mga Sugbuanon apan talagsaon mining pagsaulog karon kay makita nato ang talagsaun usab nga pagkahiusa sa Dakbayan sa Sugbo ug sa Lalawigan sa Sugbo. Ug busa, ako nanghinaot nga kining nakita nila na panaghiusa, makahatag kita ug dakong paglaum sa tanan nga Sugboanon,”matud niini.

Malaumon si Garcia nga kani nga pinaagi niini nga panaghiusa makabenepisyo unta ang mga Sugboanon.

Ang mga nakauban na sa gobernador sa pagsaway sa Sinulog mao ang Haladaya Festival sa Daanbatayan (2006), Palawod Festival sa Daanbatayan (2008), Tostado Festival sa Santander (2009), Ani-anihan Festival sa Tabuelan (2010), Bonga Festival sa Sibonga (2011), La Torta Festival sa Argao (2012) ug Rosquillos Festival sa Liloan (2013). /IBM (BANATNEWS)