Gituohang sakop sa NPA nangasikop

CEBU, Philippines — Nasikop ang upat ka gituohang sakop sa New People’s Army sa Barangay Mabatom, Lungsod sa Ayungon, Negros Oriental.

Pinangulohan ni 704th Company commander, Police Captain Emmanuel Rabaya sa Regional Mobile Forces Batallion, ang operasyon.

Giila ang mga dinakpan nga sila si Wilbert Diguit, 22, taga Brgy. Danao, Lungsod sa Bindoy; Reynaldo Dagodog, 26; Renwell Dagodog ug June Redulla, pulos taga Lungsod sa Ayungon.

Matud ni Rabaya nga ang upat mga suspek sab sa pagpatay sa upat ka polis sa Brgy. Mabato, Lungsod sa Ayungon niadtong Hulyo 2019.  Dugang pa ni Rabaya nga subay kini sa paghingusog nila sa operasyon batok sa NPA ug paghatag usab sa hustisya sa kamatayon sa kauban nilang polis. /GMR (BANATNEWS)