100 ka PUJ dunay special sa Sinulog

CEBU, Philippines – Ang Land Transportation Franchising and Regulatory Board 7 niluwat og 100 ka special permits alang sa mga public utility jeepneys nga mobiyahe panahon sa Sinulog.

Kini ang gitug-an ni LTFRB-7 Regional Director Eduardo Montealto Jr. kinsa nakig-alayon sa Cebu City Transportation Office alang sa paghatag og flat rate nga plitehan sa 100 ka PUJ.

Sumala pa ni Montealto nga atol sa Sinulog sa adlaw nga Domingo, iyang giawhag ang katawhan nga mosakay lang sa dunay sticker o tarpaulin nga gibutang atubangan sa PUJ.

Dugang ni Montealto nga ang mga PUJ adunay gipahimutang nga Sinulog 2020 nga gipirmahan niya ug nakabutang ang plate number sa sakyanan aron maseguro nga kini awtorisado nga sakyanan.

Giawhag ni Montealto ang katawhan nga dili magpanuko sa pagsumbong sa LTFRB-7 kung aduna silay masugatan nga problema tali sa mga drayber nga ilang masakyan ilabi na kadtong mga abusado. /GMR (BANAT NEWS)