LGU nga taas og rating sa Suroy-Suroy hatagan og incentive
CEBU, Philippines – Ang kagamhanan sa Probinsiya sa Sugbo mohatag og incentive ngadto sa local government units (LGUs) sa norte kinsa adunay taas og rating atol sa Suroy- Suroy Sugbo.
Ang mga guest nga niapil sa maong kalihokan ang mohatag og ratings sa mga lungsod base sa akumodasyon, pagkaon, venue ug lakip sa pansayan.
“We will be giving an appreciation for the best LGU, but we will not be grading them. It will be the tourist, based on customer’s feedback. We have prepared a criteria”, matud ni Gobernador Gwendolyn Garcia.
Matud ni Garcia nga ang maong incentives pamaagi aron madasig ang mga lungsod ug dakbayan nga ayohon ang pagpangandam sa Suroy-Suroy.
Si Garcia wala mobutyag sa kantidad sa incentive nga ihatag.
Ang Suroy-Suroy Sugbo magsugod kini sa Enero 22 hangtod 24 diin ang konsepto karon mao ang “Northern Escapade”.
Giingong 15 ka lungsod gikan sa Consolacion hangtud sa Isla sa Bantayan ang suroyon.
Ang mga LGU nga suroyan mopasundayag kini sa ilang mga lamian nga pagkaon o delicacies sa ilang lugar.
Lakip mga suroyon ang nagkadiayng tourist sports apil na ang mga simbahan ug beach resort.
Sa unang adlaw sa Suroy-Suroy ang unang suroyon ang Lungsod sa Consolacion dayon sa Compostela, Carmen, Sogod, Daan Bantayan, Medellin.
Sa ikaduha nga adlaw ang suroyon ang mga ludsod sa San Remigio, Sta. Fe, Madridejos ug Bantayan.
Sa ikatulo nga adlaw ang Dakbayan sa Bogo, mga lungsod sa Tabogon, Borbon, Catmon ug kataposan sa Liloan. /BDB (BANAT NEWS)
- Latest
