Siyam ka polis taktakunon sa PRO-7
CEBU, Philippines — Siyam ka mga polis nga sakop sa Police Regional Office 7 ang taktakon sa serbisyo tungod sa nagkalain-laing bug-at nga mga kasong administratiba nga ilang giatubang.
Matud ni PRO7 Director Police Brigadier General Valeriano De Leon nga
sagad niini mga nag AWOL (absence without official leave) sulod sa tulo ka adlaw o sobra.
Dugang pa ni De Leon nga ang pagdili pananghid sa ilang labaw nga dili motambong sa trabaho sulod sa kapin tulo ka adlaw pagpakita kini sa polis nga wala kini interes sa pagserbisyo sa publiko.
“They show disinterest in the public, maraming aplikante dyan,” matud pa mi De Leon. Sa pagkakaron pormal na nga gilagdaan ni De Leon ang dismissal orders sa maong siyam ka mga polis.
Hinuon, hatagan gihapon og katungod ang polis nga patubagon ngadto sa Regional Investigation and Detection Management Division (RIDMD) sa PRO7 apan kun dili gyud sila mopatim-aw aron moesplikar sa ilang habig hingpit na gyud silang mataktak sa serbisyo.
Gipasabot usab ni De Leon nga kinahanglang dili basta- basta lang nga mo relax sa ilang panerbisyo ang usa ka polis tungod silay gisaligan sa publiko sa ilang seguridad.
Subling gipadayag ni De Leon nga dili anugonan ang PNP sa mga polis dili na interesadong moserbisyo tungod kay matag tuig adunay recruitment ug daghan kaayo ang naglinyang aplikante. /IBM (BANATNEWS)
- Latest
