P1 milyones shabu nasakmit, 3 sikop
CEBU, Philippines — Nasikop ang tulo ka tawo sa managlahi nga buy-bust operation sa kapolisan sa Dakbayan sa Sugbo sulod lang sa 24-oras gikan sa Sabado sa gabii hangtud Domingo sa kaadlawon.
Unang operation nahitabo sa may Shockton St., Barangay Punta Princesa alas 10:30 sa gabii nga gikasikop nila ni Zeperenos Llanto, 21, taga Barangay Buhisan, ug Junmar Damolo, 24-anyos, ulitawo, taga Sitio Mangga, Barangay Punta Princesa, pulos giilang high-value target regional level.
Usa ka hiniusa nga operation ang gihimo nga gipangulohan ni Police Corporal Keith Vincent Gabica.
Nasakmit gikan sa mga dinakpan ang mga pinutos sa ginadili nga drugas nga motimbang og 100 gramos nga mobalor og P680 mil.
Ikaduhang operation nahitabo sa may Andres Abellana St. Barangay Guadalupe ala 1:30 sa kaadlawon kagahapon diin nasikop si Chadwick Tabotabo, 51, ulitawo, taga Sitio Bantayan, Barangay Looc, Mandaue City ug usa ka HVT city level.
Ang Drug Enforcement Unit sa Guadalupe Police Station maoy nangulo sa operation nga gikasikop ni Tabotabo.
Nasakmit gikan sa dinakpan ang 50 gramos sa shabu nga mobalor og P340 mil. /GMR (BANATNEWS)
- Latest