Mga luna sa probinsiya ipaubos sa reappraisal
CEBU, Philippines — Dul-an sa 400 ka luna nga mamahimong ibaligya ngadto sa Old Philippine Railway Residence Association (OPRAA) sa Barangay Kalunasan, Dakbayan sa Sugbo ang gikatakda nga i-reappraise.
Gimandoan ni Gobernador Gwendolyn Garcia si Paul Entera, Capitol consultant on real estate management sa pagpahigayon og site orientation ug tun-an ang kasamtangang value o kantidad sa maong mga property.
Si Entera sa iyang bahin, nagkanayon nga ang miyembro sa Actual Occupants and Residents of OPRRA Kalunasan (AOROK), Inc. nipadayag og interest sa pagpalit sa maong mga luna.
Sa report sa Sugbo News, ang news portal sa Cebu Provincial Information Office si Entera nipakita kini ngadto kang Garcia sa kasabotan tali sa Kapitolyo ug sa AOROK niadtong Septiyembre 10, 2012 diin gisaysay sa maong memorandum of agreement nga aduna pay 40,560 square meters nga luna nga mamahimong tugotan nga ibaligya.
“selling, transferring and conveying to AOROK the remaining sold and saleable subdivided lots containing the total area of 40,560 square meters”, tipik sa MOA.
Ang 388 nga wala mahalin nga luna adunay sukod nga 120 ka square meters.
Ang kasamtangang zonal value sa maong mga luna nikantidad kini og P1, 700 matag squre meter matud sa Bureau of Internal Revenue ug Cebu City Assessor’s Office.Ug ang kasamtangang presyo sa luna moabot sa P3,273.33 matag square meter o kinatibuk-an nga P132,766,264.80. /BDB (BANATNEWS)
- Latest
