Koleksiyon sa LTO nisaka ngadto sa P1.72 bilyones

CEBU, Philippines — Nisaka ngadto sa P1.72 bilyones o unom ka porsyento ang koleksiyon sa Land Transportation Office (LTO)-7 sa niaging tuig.

Gibutyag ni Caindic nga ang LTO-7 niabli kini og laing upat ka bag-ong buhatan ug adunay laing walo ka buhatan ang ablihan sa umaabot.

Niadtong Martes ang buhatan sa LTO sa La Libertad sa Negros Oriental ang gibuksan kini niadtong Martes.

Matud ni Caindic nga usa sa lima ka rehiyon sa Pilipinas, ang LTO-7 nakakuha og  kapin sa P1 bilyon nga koleksiyon sukad ni adtong bulan sa Oktubre sa nilabay’ng tuig.

Ang E-Patrol Bus sa LTO-7 nga nagbiyahe diha sa nagkadaiyang lungsog nakaserbisyo kini sa 27 mil ka tawo.

Ang maong proyekto naimplementar niadtong ikatulo nga semana sa bulan sa Pebrero sa niaging tuig ug giabagan usab sa mga pribadong sektor.

Dugang ni Caindic nga karong umaabot nga duha ka semana sa Enero niining tuiga 22 mil ka plaka sa sakyanan nga nag-cover sa tibuok tuig 2016; 2017; ug 2018  ang available na ug ilahang mahatag. – Romeo D. Marantal/BDB

P12B target nga kita sa Kapitolyo karong tuiga

Nikabat ngadto sa P12 bilyones ang target nga kita sa Probinsiya sa Sugbo karong tuiga.

Si Atty. Roy Salubre, provincial treasurer nagkanayon nga anaa lang sa P7 ngadto sa P8 bilyones ang kinahanglang paninguhaon nga collection gikan sa local sources tungod kay aduna may makuha gikan sa Internal Revenue Allotment (IRA) ang probinsiya nga maoy ipuno pagkab-ot sa P12 bilyones nga income karong tuiga.

“Positive ta makuha ang P4 billion ana kay downloaded man coming from the national government”, matud ni Salubre.

Si Salubre nagkanayon nga padayon ang koleksiyon gikan sa real property taxes, permit sa sand and gravel o quarry operations lakip na sa Cebu South Bus Terminal (CSBT) diin mao kini ang pipila sa kuhaan og sources sa Kapitolyo.

Sa quarry operations, adunay pagsaka sa bayranan o sa fees.

Si Salubre nagkanayon nga ang Kapitolyo unang nibanabana nga moabot sa P60 milyones ang target nga makolekta gikan sa quarry operations apan sa pagkakaron ilang tinguha nga moabot sa P200 milyones ang ilang makolekta sa tuig 2020.  /BDB (BANATNEWS)