Way parking palibot sa Basilica
CEBU, Philippines — Hugot nga gipatuman sa Cebu City Transportation Office ang “no parking policy” palibot sa Basilica Minore del Sto. Niño.
Ang CCTO Mobile Operatives naka-karga og 37 ka motorsiklo sayo sa buntag kagahapon sulod sa tulo ka hugna sa palibot sa Basilica.
Naka-clamp usab sila og 80 ka sakyanan nga nakalapas sa night illegal parking sa palibot sa Basilica kagahapon sa kaadlawon.
Gipahibawo sa CCTO nga ang parkinganan sa mga sakyanan anha sa Compania Maritima atbang sa City Hall ug anaa usab sulod sa Plaza Independencia sa habig sa may Cebu City Post Office.
Gidasig sa CCTO ang mga deboto nga kung mahimo dili nalang magdala og sakyanan aron dili sila makadugang sa sobrang trapik sa kadalanan.
Samgang gipahibawo sa buhatan sa City Traffic Management System sa Dakbayan sa Lapu-Lapu ang ilang pagsirado sayo sa kaadlawon sa Enero 18 sa pagbisita sa imahen sa Señor Sto. Niño uban usab sa imahen sa Birhen sa Guadalupe.
Ang mga dalan mao ang paingon sa national shrine sa Birhen sa Regla nga sirad-an alas 11 sa gabii sa Biyernes sa Enero 17.
Si Mario Napuli, hepe sa CTMS, nipahibawo nga ang Mactan-Mandaue Bridge ang siradoan sab ala 1:30 hangtud hangtud sa alas 5 sa buntag sa Sabado sa dayon fluvial procession. /GMR (BANATNEWS)
- Latest
