Mga opisyal sa DILG gilahugay

CEBU, Philippines – Ang Department of Interior and Local Government nipatuman kini og lahugay epektibo niadtong Enero 2, 2020 sa mga provincial ug city director sa lima ka local government unit (LGU) sa Central Visayas.

Ang direktor sa DILG-7 Leocadio Trovela niisyu kini sa Regional Order No. 2019-691 alang sa lahugay sa mga opisyal sa DILG sa nahisgutang lugar.

Giingong ang tumong sa lahugay aron mapatuman ang DILG Circular No. 2019-13 nga adunay petsa nga Agosto 23, 2019 nga mao ang deployment ug tour of duty sa officials ug personnel sa central, regional ug field operation sa DILG.

“The move was also intended to further improve field operations” matud ni Trovela sa press statement sa DILG-7.

Ang officer-in-charge sa Probinsiya sa Bohol nga si Johnjoan Mende mao na karon ang acting provincial director sa Negros Oriental.

Iyang gihulipan ang PD sa maong lugar nga si Dennis Quiñones kinsa na-assign karon sa Probinsiya sa Siquijor.

Ang acting director usab Siquijor kaniadto nga si Kenneth Kilat maoy officer-in-charge karon sa DILG sa Dakbayan sa Mandaue.

Ang provincial director sa Sugbo nga si Jerome Gonzales ang nadestino karon sa DILG sa Bohol samtang ang DILG sa Cebu ubos na sa pagdumala karon sa kanhi direktor sa DILG sa Dakbayan sa Mandaue nga si Jhoaden Lucero.

Si DILG Secretary Eduardo Año niisyu kini sa Department Order No. 2019-1356 pagkompirmar sa reassignment order. /BDB (BANAT NEWS)