Upat ka nalambigit sa ilegal nga drugas nasikop
CEBU, Philippines — Duha ka suspetsadong pusher ang nasikop sa kapolisan sa Presinto 5 sa Lapu-Lapu City Police Office (LLCPO) niadtong Biyernes sa gabii diha sa Barangay Pusok.
Ang mga nasikop mao sila si Joana Tuñacao Soronio, 30 ug Niño Cabusas Abendan, 18, parehong nagpuyo sa maong dapit ug nasakmitan og 12 ka paketeng shabu.
Samtang sa Lungsod sa Cordova nasikop atol sa buy-bust operation sa kapolisan si Francisco Bentulan, hingkod ang panuigon, residente sa Barangay Ibabao sa maong lungsod kinsa nasakmitan og 13 ka paketeng shabu ug P300 nga buy-bust money.
Laing nasikop nga naglambigit sa pagdala og shabu mao ang usa ka motorista nga nadakpan sa checkpoint sa kapolisan sa Presinto 1 sa Mandaue City Police Office (MCPO) alas 11 pasado ang takna sa miaging gabii.
Sa laing bahin, usa ka motorista nga si Alahmid Repoña, 43, taga Barangay Basak Pardo, Dakbayan sa Sugbo kinsa giingong nagdala og usa ka paketeng shabu ang nasikop atol sa gipahigayong checkpoint sa kapolisan diha sa Barangy Centro, Dakbaysan sa Mandaue. /BDB (BANATNEWS)
- Latest