Bag-ong CCPO Director: Tabangi mi

CEBU, Philippines — Bag-ong hepe sa Cebu City Police Office (CCPO0 nanawagan sa tanang barangay sa dakbayan nga tabangan sila sa programa sa kapolisan karong tuiga.

Ang bag-ong City Director sa CCPO Director Police Colonel Engelbert Soriano mipahibalo daan nga pangusgan niya ang kampanya batok illegal nga drugas, pag intensify sa internal cleansing batok sa mga polis nga nagpabadlong.

Gimandoan usab ni Soriano ang mga station commanders ipadayon ang police visibility sa mga dapit nga talagsaon nalang nga madapit sa publiko ilabi na ang dili maabot sa pagpatrolya.

Subay niini, makig alayon usab ang kapolisan ngadto sa mga private subdivisions nga mo report sa duol nga police station kun adunay mga kadudahan nga nabantayan sa ilang lugar.

Sumala pa niya, dako og papel ang komunidad sa pagpabiling malinawon ug hapsay ang ilang lugar. /IBM (BANATNEWS)