Bagyo wala makapugong sa mga magtutuo
CEBU, Philippines — Si Archbishop Jose Palma mapasalamaton tungod kay bisan ang bagyong Ursula wala makapakgang sa bagang duot sa magtutuo nga nitambong sa misa sa pasko diha sa Cebu Metropolitan Cathedral niadtong Martes sa gabii. Giingong liboan ka magtutuo ang nitambong sa Santos nga Misa bisan og nakasinati og kusog nga bonuk ulan ug brownout ang pipila ka bahin sa Dakbayan sa Sugbo. Matud ni Palma nga sama sa naandan ang Caritas Cebu kanunay kining andam sa pagtabang sa mga biktima sa bagyo ilabi na sa ilang mga nag-unang panginahanglanon.
Giawhag ni Palma ang katawhan sa pagpaambit sa ilang mga grasya ilabi na ngadto sa mga biktima sa bagyong Ursula. /BDB (BANATNEWS)
- Latest