Checkpoint ug police visibility gipahugtan sa Mandaue

CEBU, Philippines — Higpit nga gipahugtan sa direktor sa kapolisan sa Mandaue  City Police Office  (MCPO) ang police visibility pinaagi sa mga checkpoint ug foot patrol sa pagpakgang sa mga badlongon kinsa mopahimulos sa kahigayonan niining panahon  sa pasko.

Si  Police Colonel Jonathan Abella , direktor sa MCPO nagkanayon nga gipahugtan pa nila ang pagpahigayon og checkpoint ug  foot patrol kini human sa nahitabo  nga pagpanulis diha sa Barangay  Maguikay niadtong Disyembre 12 sa gabii sa tulo ka tulisan kinsa nagsakay og motorsiklo ngadto sa usa ka babaye.   

Matud ni Abella nga pahunongon sa mag-checkpoint nga mga polis ug pakanaugon  ang mga nagsakay  nga pasahero sa pagsiguro  nga  dili kini mga dautang nga elemento

“Motorcycle stops” would be a way to arrest and warn motorists, who disobeyed traffic rules”, matud ni Abella. Gipasabot ni Abella nga ang pagpakanaog sa motorista gikan sa giluwanan nga motorsiklo maoy ilang backup action plan atol sa mga checkpoint nga ilang himuon.

Matud ni Abellla nga ang kadaghanan karon ilabi na niining panahon sa pasko   nidagsang usab ang daghang mga tawo ilabi na nga nagsingabot na usab ang Sinulog.

Ang mga badlongon mopahimulos usab sa panahon diin kong makahigayon mohimo kini og mga krimen. /BDB (BANATNEWS)