Pito ka durugista nasikop
CEBU, Philippines — Natingkagol sa detention cell sa Presinto 1 sa Mandaue City Police Office (MCPO) ang unom ka motorista kinsa giingong nagdala og ginadiling drugas ug nadakpan atol sa gipahigayong checkpoint sa kapolisan diha sa dalan A. del Rosario, Barangay Guizo, Dakbayan sa Mandaue niadtong Sabado sa gabii.
Si Police Major Ramil Morpos, hepe sa Prersinto 1 niila sa mga suspetsado nga sila si Gilbert Filomino, 50-anyos, Jayson Campanero, 29, parehong mga residente sa Barangay Gun-ob, Dakbayan sa Lapu-Lapu. Ang mga suspetsado nasakmitan og tulo ka gagmay nga paketeng shabu ug mga tinfoil nga gituohan sa kapolisan nga gigamit sa mga suspetsado sa ilang pagsuyop.
Samtang nadakpan sa buy bust operation sa kapolisan sila si Jushua Macabilog, 25, taga Barangay Basak, Dakbayan sa Lapu-Lapu kinsa nakuhaan og tulo ka paketeng shabu.
Laing nadakpan mao sila si Nicole Combajero, 27, taga Lungsod sa Borbon kinsa nakuhaan sa kapolisan og tulo ka kagmay nga paketeng shabu, Albert Capulayan, 36 taga Barangay Pitogo, Lungsod sa Consolacion, Glenn Daño, 32, taga Barangay Agus, Maribago ug laing pusher nga si Ryan Maribeles kinsa nakuhaan og mga pakete sa shabu ug drug paraphernalia. /BDB (BANATNEWS)
- Latest