Babaye nakuhaan og P4.7 milyong shabu
CEBU, Philippines — Kapin sa P4.7 milyones nga balor sa gidudahang shabu ang nasakmit sa buybust operation sa City Drug Enforcement Unit sa Mandaue City Police Office (CDEU-MCPO) pinangulohan ni Police Lieutenant Colonel Franco Rudolf Oriol alas 9:15 Domingo sa gabii diha sa Sitio Mabapo, Brgy. Mambaling, Cebu City.
Ang dinakpan nga si Emeluna Maitim alyas Lonlon, 28, residente sa maong lugar. Matud pa ni Oriol nga si Maitim anaa drug watchlist ug usa kini ka high value target (HVT).
Dugang pa ni Oriol nga aduna silay nadakpan sa miaging mga adlaw sa dihang ila kining gipangutana kun diin nagagikan ang nakuhang illegal nga drugas sa ilang posesyon, ang pangan ni Maitim ilang gitug-an. Si Maitim miangkon nga iya ang maong mga drugas nga nakuha diha kaniya. Mitug-an kini nga nagsugod siya sa illegal nga kalihokan niadtong bulan pa sa Septiyembre.
Atol sa buybust operation nakuha gikan kang Maitim ang mga pinutos nga gidudahang shabu nga motimbang og 700 gramos nga mobalor kapin sa P4.7 milyones.
Ang dinakpan gidala sa Mandaue City Police Office aron pasakaan og kasong kalapasan sa RA 9165 Comprehensive Dangerous Drug Act of 2002. IBM (BANATNEWS)
- Latest