Mga pasyente sa vsmmc gilingaw ni Bong Go
Cebu, Philippines — Giduaw ug nakighugoy-hugoy si Senador Christopher Lawrence “Bong” Go sa mga pasyente sa Vicente Sotto Memorial Medical Center nga kabahin sa iyang Go Malasakit Year End Special.
Gipakigkitaan ni Go ang mga batang pasyente ug gilingaw uban sa paghatag og pagkaon ug mga gasa.
Human didto, ang mga senior citizens nga out-patients ug in- patients na usab sa Out Patient Department ang iyang gipakigkitaan.
Mahinumduman nga ang OPD sa VSMMC mao ang nagsilbing unang gibutangan og opisina sa dihang gilusad ang Malasakit Center diha sa VSMMC niadtong 2016.
Subli niyang gipahinumduman nga bisan kinsa basta Pilipino maka-avail sa Malasakit Program tungod kay kwarta kini sa katawhan nga angay ibalik sa gobiyerno.
Pinaagi sa Malasakit mas mapadali ang pagduol sa mga pasyenteng Pilipino ilabi na kadtong mga kabus nga matabangan sa ilang medical financial assistance.
Gipahibalo sab niya nga kadtong mga sakit nga dili makaya sa mga tambalanan sa Sugbu mahimo rang adto dad-on ang pasyente sa kaulohan ug tabangan gihapon sa Malasakit Program. - BANAT NEWS
- Latest
