Labella di mobakasyon sa Pasko

CEBU, Philippines – Dili mobakasyon si Cebu City Mayor Edgardo Labella niining nagsingabot nga Pasko ug Bag-ong Tuig aron sa pagseguro nga hapsay ug han-ay ang dakbayan.

Matud ni Labella nga dili siya mobiya sa siyudad gawas lang kung adunay bug-at nga rason.

Ang mayor anaa karon sa kaulohan alang sa tigum sa League of Cities in the Philippines diin siya ang nasudnong pangulo.

Ang mayor mag-monitor alang sa kaluwasan ug seguridad sa dakbayan kauban ang Cebu City Police Office ug uban nga mga law enforcement agencies lakip usab ang Quick Response Team ingkaso adunay emerhensya. Dugang pa sa mayor nga ang front line services sa kagamhanan sa Dakbayan sa Sugbo bukas usab sa katawhan panahon sa holiday aron sa pagseguro nga magpadayon ang serbisyo. /GMR (BANAT NEWS)