Mananagat patay na nga napalgan
CEBU, Philippines — Wala nay kinabuhi nga napalgan ang mananagat nga na-missing samtang namasol sa kadagatan sa Barangay Dumlog, Dakbayan sa Talisay niadtong Sabado sa buntag.
Laing mananagat nga taga Islas sa Olango maoy nakabangal sa patay’ng lawas ni Rolando Cejas, 52-anyos, taga Sitio Litmon, Barangay Dumlog, Siyudad sa Talisay.
Ang nakabangal sa patay’ng lawas ni Cejas nagtuo nga nagpautaw-utaw lang kini diha sa kadagatan sa San Vicente, Isla sa Olango kagahapon pasado alas 2:00 sa hapon.
Ang patay’ng lawas ni Cejas giila kini sa iyang mga kabanay.
Ang anak ni Cejas nga si Sheila Marie Lasquestes nagtuo nga giatake ang iyang amahan samtang namasol.
Sa nasayran, nigikan og sayo si Cejas aron managat apan kalit lang kini nga nahagbong sa iyang baroto.
Si konsehal Antonio “Jojo” Bacaltos, Jr. nibutyag nga dali niya nga gipahibawo ang taga Philippine Coast Guard ug ang grupo sa Fisheries Sea Ecological Care (FISECA) human nadawat ang taho. BDB (BANATNEWS)
- Latest