33 ka parisan gikasal sa Talisay
CEBU, Philippines — Nikabat sa 33 ka parisan ang nipahimulos sa libreng kasal nga gipahigayon diha sa Sto. Niño Parish sa Barangay Mohon, Dakbayan sa Talisay niadtong Biyernes sa hapon.
Si Mayor Gerald Anthony “Samsam” Gullas, Jr. nibutyag nga sugod sa iyang termino isip mayor sa siyudad magpahigayon siya og mass weeding matag tuig kada saulog niya ang iyang birthday sa buwan sa Disyembre.
Si Gullas nagsaulog kini sa iyang birthday niadtong Disyembre 1.
Ang mga gikasal gikan kini sa nagkalainlaing barangay sa dakbayan kinsa nailhan nga dugay na nga nagtipon apan wala nakapasal gumikan sa ilang kawad-on.
Si Gullas ang niabaga sa galastohan sa pagkuha sa mga rekisitos hangtud sa pagpakaon nga gisalohan human sa kasal.
“Mas lami ug nindot gyud ang feeling nga maminyo ka, manumpa ka atubangan sa Ginoo”, matud ni Gullas.
Nanghinaot usab si Gullas nga unta matag tuig magkadaghan ang mopahimulos sa libreng kasal nga iyang itanyag. /BDB (BANATNEWS)
- Latest
