Pag-earthball sa 71 ka kahoy gitugtan

CEBU, Philippines – Supply sKonseho sa Dakbayan sa Sugbo walay supak sa pagkawot ug pagbalhin sa 71 ka punoan sa mga kahoy gikan sa Department of Agriculture-7 compound sa Barangay Guadalupe alang sa tukorong duha ka andanang building sa maong ahensya.

Si Cebu City Councilor Jerry Guardo ang pagbalhin niini makatabang pa sa siyudad, ilabi na kun kini anha itanom sa mga parke ug sa kilid sa mga sapa.

Ang maong mga punoan sa kahoy dili pa sab kaayo tag-as o dagko maong dili lisud kawton aron ibalhin ug laing lugar matud pang Guardo. Apil sa maong mga kahoy ang mga punoan sa prurtas.

Ang Department of Public Works and Highways (DPWH) Regional Office VII maoy gitahasan sa paghimo sa maong proyekto.

“Kita sa city government will benefit from this earthballing of trees,” matud ni Guardo. Ang siyudad maoy mopili kun asa ibalhin ang maong mga punoan.

Ang City Environment and Natural Resources Office, and Parks and Playground Commission gitahasan karon pagpangita og dapit kun asa kini ibutang.

“Ideally, they recommended to us kanang mga parks nato and also along the river,” dugang sa konsehal.

Mahitungod gihapon niini, si Guardo gikatakdang moduso og ordinansahon nga gitawag og “Green Parking” ordinance. Diin ang mga establisamentong dunay parkingan tugotan nga anha ibalhin sa ilang parking area ang mga punoan sa kahoy nga i-earthball. Pinaagi niini molandong ang parkingan ug makatabang pa batok polusyon. /IBM (BANAT NEWS)