Positibo sa drugas sa Cebu CH taktakon

CEBU, Philippines – Taktakon ang mga casual ug job order nga mga kawani sa Cebu City Hall nga nagpositibo sa paggamit og ilegal nga drugas.

Kini ang gibutyag ni Cebu City Mayor Edgardo Labella human niabot sa 42 kabuok ang nagpositibo sa paggamit og ilegal nga drugas sa random drug screenings sa City Office for Substance Abuse Prevention. “I cannot tolerate that. You all have to go regardless on who recommended you, regardless on your performance. If you use drugs, you’re out of this office,” matud ni Labella.

Nagpahigayon ang COSAP og random drug screenings sugod niadtong Nobiyembre 8 sa lainlaing departamento sa City Hall.

Matud ni Labella nga ang mga regular nga empleyado nga positibo sa paggamit og ilegal nga drugas ang hatagan og due process samtang ang mga kaswal nga empleyado dili na ma-renew.

Samtang ang COSAP nagpahigayon og drug screening sa mga konsehal kagahapon sa regular nga sesyon ubos sa hangyo ni Bise Mayor Michael Rama. (/GMR)(BANAT NEWS)