Pagsuspenso sa financial aid sa mga magtutudlo ilibkas
CEBU, Philippines — Ilibkas na sa kagamhanan sa Dakbayan sa Sugbo ang pagsuspenso sa tag P5,000 nga tabang pinansiyal alang sa mga magtutudlo.
Kini ang gikompirmar ni Raddy Diola, representante sa mayor ngadto sa Local School Board.
Una na nga gipahibawo ni Mayor Edgardo Labella nga ang tanang magtutudlo sa pangpublikong tunghaan makadawat og P10,000 gikan sa siyudad karong buwana.
“This year murag naa gihapoy deduction unta, but the mayor said that he would like to give the financial assistance in full,” matud ni Diola.
Sumala pa ni Diola nga karong tuiga ang katapusang tuig alang sa pagsuspenso sa P5,000 nga financial assistance apan gusto ni Labella nga mahatag ang tibuok.
“Gusto niyang ihatag ang full amount kay niingon siya nga teachers are the most overworked and underpaid,” matud ni Diola.
Matud niya nga ang disallowance gipatuman niadtong 2017 sa panahon ni kanhi mayor Tomas Osmeña ug buot ni Labella nga ilibkas na. (/GMR)(BANATNEWS)
- Latest