6 pusher sikop sa Lapu-Lapu
CEBU, Philippines — Gitanggong sa detention cell sa Presinto 2 sa Lapu-Lapu City Police Office sa Barangay Mactan ang unom ka pusher nga nadakpan sa managlahing buy-bust operation ug usa ka minor nga lalaki ang naluwas.
Si Police Major Narciso Abapo, hepe sa Presinto 2 sa LLCPO, niila sa una nilang nadakpan nga si Jigger Rentillosa, 20, nagpuyo sa maong dapit ug ang kauban nga 17-anyos nga lalaki nga ilang naluwas ilang gitugyan ngadto sa City Social Welfare Department.
Matud ni Abapo nga ilang nasakmit sa maong dinakpan ang 55 ka gagamy nga pakete sa shabu uban sa armas nga kalibre 38 nga walay lisensiya.
Si Rentillosa kinsa kauban sa minor nga lalaki ang ilang nadakpan sa Barangay Pajac.
Dugang nadakpan mao si Jerico Nardo, 22, ug Joelito Vergara, 34, nga taga Barangay Pajac kinsa nakuhaan sa kapolisan og siyam ka gagmay nga pakete sa shabu.
Samtang sa Barangay Maribago sa maong dakbayan maoy ilang nadakpan ang tulo ka pusher nga sila si Jorin Tapan, 21; Leonard Ledesma, 32, ug Esmeraldo Paquibot Jr., 27, pulos nagpuyo sa maong dapit ug nasakmit ang 46 ka gagmay nga pakete sa shabu. (/GMR)(BANATNEWS)
- Latest
