Kaon sa pasyente sa CCMC tag P50 na
CEBU, Philippines — Modoble na ang meal allowance sa mga pasyente sa Cebu City Medical Center.
Matud ni CCMC Administrator Yvonne Feliciano nga dugay na nga katuigan ang P25 matag meal allowance sa mga pasyente nga karon himoon na nga tag P50 sa pamahaw, paniudto ug panihapon.
Gitug-an ni Feliciano nga nagkahinabi usab sila ni Philippine Charity Sweepstake Office General Manager Royina Garma kinsa tinguha niini nga mabutangan og PCSO Desk ang CCMC alang sa kasayun sa mga pasyente nga mo-avail og medical assistance gikan sa maong opisina.
Apan unya na kini mapahimutang sa higayon nga makabalhin na sa bag-ong CCMC.
Si Feliciano nidugang nga maoy ilang tinguha karon nga mahatagan og maayo nga serbisyo ang mga tawo nga moduol sa tambalanan ug matubag usab ang ilang mga panginahanglanon. (/GMR)(BANATNEWS)
- Latest
