PCG ug MCIAA nigama og MOA sa seguridad sa tugpahanan
CEBU, Philippines — Ang Philippine Coast Guard (PCG)-7 ug Mactan Cebu International Airport Authority (MCIAA) nigama og Memorandum of Agreement (MOA) nga hingusgan pa ang Maritime Search and Rescue Operation ingon man ang Maritime Security nga nag-cover diha sa coastal area sa MCIA.
Kini pinaagi sa paghatag sa PCG og edipisyo alang sa billeting sa mga personnel ug floating assets sa PCG-substation sa Dakbayan sa Lapu-Lapu diha sa Staff House No. 3 sa MCIA sa Barangay Ibo sa nahisgutang dakbayan.
Kagahapon sa buntag ang commender sa PCG-7 Commodore Ronnie Gil Gavan ug MCIA General Manager Atty. Steve Dicdican nagpinirmahay sa nahisgutang MOA.
Si Gavan nagkanayon nga tumong nila nga masiguro ang kaluwasan sa tanan ilabi na sa Central Visayas diin usa ka tourist destination sa nasud ug ang MCIA maoy top airport usab sa nasud.
Samtang si Dicdican nagkanayon nga ang safety ug security sa tugpahanan maoy usa sa hingusgan. BDB (FREEMAN)
- Latest