Sulbad sa mga kaso sa pagpatay paspasan

CEBU, Philippines —  Gimanduan sa Cebu City Police Office ang mga station commanders sa Dakbayan sa Sugbo nga paspasan ang pagsulbad sa mga nahitabong pagpatay.

Kini nunot sa susama nga pamaagi sa pagpatay sa managsuong Abaño nga gisulod sa panimalay sa Barangay San Nicolas, Dakbayan sa Sugbo.

Matud ni CCPO officer-in-charge Police Colonel Geovanie Maines nga buot niya nga paspasan ang pagsulbad sa krimen.

Subay niini gipatawag usab niya ang mga station commanders alang sa update sa mga nahitabong patay sa ilang tagsa-tagsa ka hurisdiksyon.

Dugang ni Maines nga tungod kay dili ilado ang mga namatay dili na kini hatagan og pagtagad ug buot niya nga hatagan usab og hustisya ang mga biktima.

Labing ulahing kaso mao ang pagpatay kang Vicenta Abaño.  GMR (FREEMAN)